Sunday, April 26, 2009

أراء قبطية حرة ضد أستغلال المناصب الكهنوتية في الكنيسة القبطية الأورثوزكسية بمصر

رئي مسيحي حر عن جبروت بعض الأساقفة ورجال الدين المسيحي في الكنيسة اللأورثوزكسية وليس في حق الأنجيل أو الكنيسة فهيا منهم براء.

 
أولآ أبدء موضوعي عن هؤلأ الكهنة والأساقفة الزين يتخزون من زي الكهنوت سلطانآ للتحكم والسلطة علي كل قبطي ينتمي للكنيسة كما يفعل أي شرطي في الأحتماء خلف زية الرسمي وسلطان القانون للظلم وتهديد الشعب بأسم القانون. فمن الأمثلة التي يراها المواطن القبطي وبمنتها الوضوح هي عندما تحاول التحدث مع أي أسقف قبطي كالأنبا يؤنس أو اللآنبا بولا (وبعض القمامصة الجهابز مثال الأب مكاري ) تجد أنك من المفروض عليك وجود وسيط أو وسيطة من الطبقة العليا (أصحاب الفلوس والنفوز طبعآ) ليتقدم هو أو هي بتحديد ميعاد معة لشرح مشكلتك وأن لم يكن لديك زالك وتوجهت لة في أسناء مرورة مثلآ حتشوف وش غير الوش وأعوزو باللة يعني (على قولت أخونا المسلمين) وربما أنتهرك وسمعك كلمة مش حلوة ومش حتفرق معاة شيبتك ولا صحتك الضعيفة مثلآ ولا أزا كنت ست أو راجل.,ازا كان محترم معاك حيقولك أعمل ميعاد مع السكيرتير وطبعآ سكرتير جاللتة مش أى سكرتير فمثلآ السكرتير سخيف أول ما تدخل علية تقولو مساء الخير هو بقئ حيقولك مساء النور (فشرت)أولا حيبص عليك بطرف عينو ويشوف مين الى قدامو دة ولابس أية (طبعآ أصحاب الجلاليب والبكاجوال ألي مش ظاهر عليهم الخير ولا الريحة الغالية وتكيف العربية ما يستهلوش السلام) حيقولك نعم تقولو حابب أشوف قدسوة ممكن ؟ حيقولك لية؟ (ويشتكون حضرتك يعني)؟ تقولو عشان كدة وكدة (حاجة ما يكونش فيها شيك مثلآ خلينا نقول أمضاء من قدسة مثلآ أو حابب تاخد بركة قبل فعل شيء مثلآ ,حاجة مش حتاخد منة غير خمس دقايق بالكتير ومن واجبات عمل قدسة) حيقولك قدسة مش فاضي وهو مديك ضهرة وفجئة تدخل سيدة أنيقة مثلآ وباين عليها الخير ولو ان شكلها عبرة (ربنا يسامحنى) وتبص على القعدين بقرف وتقولو أزيك يا أستاز سخيف , تبص تلاقى مسيو سخيف قام نط من كرسية وقالها أزيك يا رفيعة هانم أتفضلى سيدنا خمس دقايق ويستقبلك , تشربي أية حضرتك ويندة المسيو سخيف للواد الي قاعد جنبة ويقولها دة أبني سخيف الصغير الي حيمسك المكتب بعد عمرآ سخيف وأبنو من بعدو ما أحنا كلنا هنا كدة بنورث أولدنا وبناتنا الشغل مهي عزبت أبونا وعندك مثلآ الأستاز بيتر ألي ماسك أثقفية الخدمات عرفاها أنتى طبعآ المبنى التانى الي بتلقي قدامو الشباب و الشابات الغلابة (بتوع البكلوريوس ) واقفين الساعة أتنين وتلاتة فى عز الحر يملو فورمات علشان نشغلهم في البيوت وشركات التنيظيف لو لقينلهم ما عادة البنات الحلوة بنوديهم سياحة وحتت تانية بس طبعآ من غير أستمارات تتملي دة بقى أللأستاز بيتر وحتلاقى ابنة التخين الي بييقض الصيف كلة سياحة في شرم والغردقة ماسك الأستمارات وبيتحكم في الجماعة ألى هناك وهو الي بيقول مين تنفع فى أية وكلنا كدة كل واحد فينا يسلم لعيالة أة أهو كلة ليهم . بعد شوية بقي تلاقي المكتب بتاع سيادة أتفتح وطلع بنقسو ,ابتسامتو الحلوة يدخلها بمنتها الحميمية (طبعآ مش عشان جمال عيونها أو ريحة البارفان ولكن علشان هي مين أو بنت مين في المجتمع).
نيجي بقي للأنبا بولا اللأسقف الصارم الحازم صاحب السلطة والقرار فى اللأحوال الشخصية وخصوصآ مواضيع الطلاق. لو حصل وسعدك الحظ في مقابلتة شخصين فى أحد لقائتة (وعلى فكرة أنا ما نيش متجوز علشان حد يفتكر كلامى مثلآ علشان مشكلة شخصية فأنا وأعوزو باللة من قولت أنا أزا فكرت في الجواز حيكون قراري في أيدي مش أيد حد يعني قانونى) عمومآ لو حصل وقابلتو حتلاقي أول حاجة نظرة ثاقبة مع كثيرآ من الجدية وتكشيرة شوية (علشان ما تاخدش علية وتتجرء مثلآ) المهم بقي الأنبا بولا دة اتضح أنة بيعاير بمعيارين في موضوع الطلاق . معيار المقربين ومعيار العامة . معيار المقربين ودة طبعآ للمعارف والأقارب وزو الشئن (المتوصى عليهم من فوق سواء أساقفة أو عائلات كبيرة أو قمامصة من الدرجات العليا) مسائل اللطلاق هنا بتتحل فى يوم وليلة (علي قولت الست وردة) حتي ولو كان ثمرت هزا الزواج أبناء وصبحان اللة بيتحول من طلاق لبطلان جواز (بس كلة في السر شوش ما تقولش لحد خلية  في سرك) المهم الموضوع كبر لما الأقباط ألي طالبين الطلاق مشكلهم كترت وسوطهم وصل فين؟ وصل للأنبا سكر ألى فكر عن طريقهم يعملو هو كمان قصر زي قصور الأساقفة والقسس الأورثوزوكس فقال في بالة أكسب دول وفعلآ وجة وبقي يطلق ويجوز براحتة وكسب الجو لفترة لحدة لما الكنيسة أبتدت تدايق وبالزات السلطة  أتشالت شوية من أيد مين؟ الأنبا بولا وقال في بالو زمان كانو بيموتو وما بنطلقهمش وحلهم الوحيد يروحو النحية التانية (عند المسلمين يعنى) وكنا ما بيفرقش معانا علشان ما نقدرش نقول للمسلمين لأ  والى ما يروحش النحية التانية بيقد عندنا زى الكلب ما يقدريش يفلفص لكن دلوقتى بقو يروحو لزفت سكر ويطلقهم ويجوزهم نعمل أية؟ نروح للحكومة المصرية نبوس الأيد ونقلهم أحنا مستعدين نقول للعالم أنكم احسن ناس ونعمل موائد رحمان بئكل أحلي من الى قلبكم يحبو وما نسئلش عن أي واحدة تاخدوها , بس تريحونا منو وكمان نشتم بتوع برة نكزبهم و نقولهم ما فيش تفرقة ولا أضطهاد في مصر. المهم الحكومة وافقت بعد شوية دلع وقررت ألغاء السكر من مصر وترجيعة امريكا. بس قبل السكر ما يسافر راح عمل لقاء مع الجزيرة وقال جملتة ألي قسمت ظهر البعير . قال للمحاور المسلم المططرف أحمد منصور أي واحد من الملل والأديان ما عادا أللآقباط اللأورثوزكس يعتبر زواجة باطلآ بالنسبة لهم وأبنائة أبناء زنا حتي أنت يا أحمد منصور تعتبر بالنسبة لهم أبن زنا (هنا سقطت الصاعقة ) وهذا ما جعل الحكومة المصرية تصرح بطلاق الأقباط وزواجهم مرة اخري دون الرجوع للكنيسة ودون الحوجة لهم لترك دينهم أو مزهبهم وضربت بقرارات بولا عرض الحائط (وانا احي الحكومة المصرية بهذة الخطوة الجريئة لكسر موضوع الواسطة داخل الكنيسة القبطية وموضوع المحسوبية والتجبر للمسؤلين).
حتى اوضح بعض من وجهات نظري. أولآ أنا لا أشجع موضوع الطلاق ولكن هناك بعض الخلافات الزوجية والتى تستوجب الطلاق ومن تلك الخلافات هو مثلآ اختلاف الأراء أو مشاكل الأدمان أو كرة الزوجة لزوجها من ما قد يصل في بعض الحاللات الي القتل (ومين فينا ما سمعش قبل كدة عن واحد أو واحدة وصل بنهم الخلاف لدرجة أنة يسمها او تسمة أو خلافة او كان عندهم مشاكل بشكل مستمر وشتيمة يوماتي وألفاظ وسخة ) ففي هزة الحالت أرى أن الطلق أفضل وأرحم من القتل.
أيضآ أرى أنة ليس من الصواب أن أى مطلق مسيحى ينظر لة على انة شاز جنسيآ أو عديم القدرة على الجنس أو مجنون. كما أنة أيضآ ليس من الصواب أن ينظر لأى مطلقة أنها منحرفة وسيئة السمعة وهذا يجعلها فريسة سهله لكلاب الشوارع. المهم نرجع لموضوعنا أول ما كان من هذا القرار بجواز الحكومة التطليق بالمحكمة جعل الأنبا بولا يقوم وما يقعدش أزاى يتاخد القرار من أيدو وناس تانية تقرر , راحت الحكومة منفذة القرار وأول المستفيدين منة كانت النجمة الجميلة هالة صدقي وألتي طلقتها المحكمة علي طول وألي مكنش عارف عرف وأهي واحدة  قبطية أطلقت وأتجوزت دون الحوجة لأمضتك الغالية  يا بولا (وفر الحبر وفر). على فكرة هالة دي كان لها سنين طويلة عند قدسك ملفها ورفضت تطلقها والكل عارف الموضوع اظن ؟.(عمومآ ما علينا) بعد صدور القرار تطلب من الأنبا بولا يبلعو لأن ما فيش فايدة من رفضة الست أطلقت وأتجوزت والكل عارف الموضوع ويمكن حامل وخلاص خرج من أيدينا نعمل أية ؟الكل بقي حيعمل زيها والمكتب حينش؟ أقترح علية أنو يقول أننا أتضح لنا أن جوزها كان متجوز من واحدة زمان في لبنان وعشان كدة يبقي زنا وينفع تطلق (حلوة الفكرة دي ياللة نقولها ونصحح الغلط) وهذا ما كان. ولكن السؤال طول السنين ألي فاتت والقضيةعندكم ومظهرتش اللأثباتات دي الا بعد ثلاثة شهور من طلاق المحكمة وزواجها؟ معقولة فجئة كدة ظهر الدليل دة؟ حتى لو كدة ما سمعتش قداستك أن العدل البطئ هو ظلم؟ (ما علينا بس حكايت موضوع الورقة ألي ظهرت فجئة مش محبوكة أوى).
نيجى لحاجة تانية وهى موضع الحلقات ألى بيعملها في سي تي في , ستصيبك الدهشة عندما تشاهد تلك الشخصية الصارمة للأنبا بولا عندما تراة بصورة جديدة شاعرية وهو يتحدث عن طبيعة المرئة وأونوستها وشاعريتها ورهافة أحساسها (طبعآ المرئة التى من نوعية مقدمة البرامج  الغنوجة وليس أمى وأمك ألي همها البيت وأسرتها وعملها ,انما تلك ألأنيقة بتاعت البرفان الباريسى وأللازياء الراقية) لوهلة قد تعتقد أن المتحدث هو بولا قباني شاعر المرئة (ما علينا ولو أن كلام قدسك وبالزات كونك راهب لا يصح معه تحدثك عن مشاعر وأحاسيس المرئة فهذا يحدث مجالآ للشك في أحاسيس قدسك قد تفهم خطء وتقل من وقار وأحترام قدسك وتذكر قول السيد المسيح ليكن كلامكم نعم نعم ولا لا ومازاد عن زالك فهو من الشيطان). ما فاجئنى فى أحدى الحلقات وهو عندما قص أحد ضيوفك مشكلتة (وقد حدث زالك لضيوف أخرين أيضآ عبر برنامجك ) هو أنة أخبرك بئكتشافة لخيانة زوجتة ومحاولتها أقامة علاقة جنسية مع أخية وأنة بعد أن قام بسؤالها أعترفت لة بئقامتها علاقات في الماضي مع خمسة من أبناء عمها وأن قساوسة المنطقة المقيمة بها قامو بسؤالها وقامت أيضآ بالأعتراف لهم بزالك . عجب العجاب هنا هو عندما قمت بطلبك من زوجها أن يسامحها!!!! الصراحة أنا أصابتنى الدهشة عندما رئيت زالك ولو كان حد قاللى ما كنتش صدقت. أسمحى أقول لقدسك أمرك عجيب أزاي يسامحها يعني؟ لو كنت أنت مكانة كنت سامحت؟ أسيبلك الرد خد وقتك .
ملحوظة الأنجيل فى مسئلة الزواج يقول:
ما يربط في الأرض يربط في السماء وما يحل في الأرض يحل في السماء (وهذا عملكم أليس كزلك؟)ولا أنت بيتبع وما بترجعش (قانونك الشخصي؟)
ولو حرام الطلاق ألا بفضايح أمال الكاثوليك والبرستانت وبقيت الطوائف والكنيسة الأورثزوكسية بروسيا دولة كفرة ؟ بيقرو من القرئان؟ معلش علشان نفهم.

 ولعلمك أنا أعلم بما هو أسوء من زللك عنكم كأساقفة وقمامصة وزلك لقربي من بعض الأساقفة نسبة لعملي الزى يجعلني علي أتصال شبة يومي بهم لأنجاز مهامي ومن تلك الفضائح هو قيام أساقفة  بالمكر في مسائل الزواج من  عمليات ترقيع لغشاء البكارة لبنات وتزويجهم  علي أساس  أنهم بكور وفي بعض الأحيان تكون العروسة قد تم أجهاضها للتستر على الموضوع وأخفاء عيوب أخريات ممن هم مرضى نفسين وخلافة . في رئي الأساقفة دة حكمة وستر ولكن أسم دة الحقيقي هو مكر وخديعة. دة طبعآ غير الشقق الخاصة بتاعت الأوقاف ألمسيحية ألي بياخدوها الأساقفة والقسس لأهوائهم الشخصية وزياراتهم الخاصة (وحط تحت الكلمة دى ألف سطر*).
الخلاصة

أرى أنة من الضروري مستقبلآ للكنيسة القبطية وفي أسرع وقت ممكن قبل أن تفقد أعضائها عن طريق سوء أختيارها لأساقفة وقمامصة وموظفين يتصرفون عن دون مسؤلية وبدافع أرئهم وأندفاعتهم الشخصية في تشوية صورة الكنيسة العريقة. أن تقوم بتطهير تلك الأدارات ووضع من هم زو مسئولية وحياد فى تلك المناصب ,أن لا تكون الكنيسة والمناصب هى ورث لأبناء الموظفين وأقارب الكهنة والأساقفة . أن تكون هناك أدارة مالية خاصة هى المسؤلة عن دخل الكنيسة لتحديد المصاريف الخارجة والواردة للكنيسة القبطية للحد من البزخ المفرط الزي يقوم بئنفاق مال الكنيسة علي أشياء ترفيهيها مثال زلك السيارت الفارهة والتى تجدد سنويآ للأساقفة وبعض القمامصة وأجهزت الكمبيوتر المحمول الحديثة والموبايلات بخطوط دولية (وأحيانن تجد في جيوبهم أتنين وتلاتة ويتكلم براحتو مع أمريكا والعالم طبعآ هو حيدفع حاجة) دة كلة غير السفريات درجة أولي لأوروبا وأمريكا والمصاريف هناك والهدايا وأنت راجع (أليس كل دة من فلوس العشور وأخوة الرب والتبرعات ) عيب عيب عيب.
جملة صغيرة لقداسة البابا ,أنا متئسف يا قداسة البابا لهزة الرسالة ولكن من واجبي أن أكتبها وأعبر فيها عن أحساسي بما يحدث حتي لو كان كلامي صعب لكن حابب أقولة واتمنا يوصلك وثق أنة عن حب وعشان بتهمني كنيستي والي قلتة كلة حاصل وبيحصل كل يوم وانت لو حبيت تتئكد حتتئكد.ولو أنت عارف يبقي حرام تهمل رعيتك لأن ربنا حيحاسبك علي كل واحد بينظلم عن طريق ناس أنت عينتهم من المفروض يراعهم مش يلموهم كفاية ظلم الدنيا وأطضتهدها ليهم .مش كفايف قداستك تكتب كتب وشعر وتنساهم وتسبهم وتعتكف وقت الضيق دة مش حب أو تصرف حكيم. تزكر ان السيد المسيح كان مع شعبة علي طول مش مختفي جو البيت أو في مغارة وينزل لما المشكلة تخلص . أظن انك تعلم هزا الكلام أكثر مني؟ولا كان سيع الغضب والي يقولو الحق يطردو ويدايق .ولا كان بيعمل قعدات لعلية القوم كما يحدث اليوم في البطرخانة والكتدرائية للأساقفة وعلية ألقسس. لو دورتم بس علي الغنية حتلقوهم 2 من 100 في القباط ووققت القتل حتلقيهم هربو وألي واقفين معاكم هما الغلابة ألي مستعدين يدفعو دمهم علشنكم , مش وفاء قسطنطين هي الوحيدة ألي نجري وراها بس علشان مرات قسيس ونرجعها بس كل بنت وكل ولد مهما كان دة أبننا وبنتنا ولازم ندور علية.القرش ألي يروح في تحديث عربية أو تزكرة طيارة درجة أولي يكسي ويجهز كام طفل يتيم وكام عروسة غلبانة.ألي بيتعمل بيظهر ومفيش حاجة بتستخبة.
يا ريت يتعمل قانون من أين لك هزا في الكنيسة القبطية لمسائلة الكل عن اموالهم وسر ثرائهم والزي صار حافزآ لكل شاب أن يتمنا أن يصبح كاهنآ وكل بنت أن تتزوج من قس علشان تعيش عيش غنية وتتوقر ويتباس أيد جوزها وتعرف أسرار البيوت علشان تكسر عين ألى فيها (اللة مش جوزي قسيس وهما بيعترفولو).
عيب لما كل دة يبقي في عهد قدسك.ما ينفعش قدسك نغمض عينينا عن دة ونقعد نكتب كتب وشعر.
أخيرآ وليس أخرآ أشكر أسرة المنتدي علي أتاحتهم الفرصة وسعت صدر القراء وأنا متئسف لو كلامي ضايق حد بس يمكن دة الدو المر لعلاج المرض وارجو من قداسة البابا ان يطلب من شيخ جامع الأزهر المسلمين عدم السفر للمسجد الأقصى ويلعنهم زى ما طلب من المسيحين ما يروحوش القدس وألي يروح ملعون ومنبوز ومحروم من المناولة.,أيضآ أطلب من الأنبا بولا عندما يطلب ألغاء قانون الطلاق للمسيحين أن يطلب ايضآ أن المحكوم عليهم بالأعدام في مصر يرجعهم للكتدرائية المصرية تبدي الرئ في أعدامهم مش مفتى الديار المصرية كما هو جاري حاليآ (علي القل تلك القضايا ألي فيها قتل الزوج والزوجة بسبب ااطلاق علي الأقل هو يمكن يكون عندو فكرة عن الموضوع مسبقآ لما كانو عندو في المكتب ورفض الطلاق) وعجبىىىىىىى
أحنا وللئسف ما نقدرش نتباها ونقول أن أحنا أحسن من شيوخ الأسلام ألا بعد ما نصلح حال قيادتنا المايل ودة شيء مش سهل ودلوقتي الموجود حلين , الأول نسكت ونسبهم يعربدو براحتهم لحدة بعد كام سنة الأقباط الورثوزكس يروحو لطوائف أخري وشوية لشهود يهوة والباقي للمسلمين . والحل التاني |أن تقوم ثورة تطهير من طرف قداسة البابا وتبتدي من أول واحد بعدو لتحت ونبش الملفات القديمة كلها وتعين لجنة بئعضاء جداد تقوم بدراسة كل تلك الملفات الأدارية والمالية عن طريق جهاز محاسبة خاص مع أصدار قرار من البابا يوزع ويقراء في كل وعظة أن أي مبالغ مالية سواء من تبرعات-عشور-ندور وخلافة لا تسلم ليد اي كاهن أو أسقف وأنما تتحول لحساب واحد معروف للجميع لا يحق لأحد التصرف فية ألي عن طريق قداسة البابا وأى شخص من الكهنوت لا يحق لة أستلام أي مبلغ مهما كانت ضئالتة ومن يخالف هزا القرار يتم شلحة أو أبعادة لكنيسة أخري تبعد عن الكنيسة اللأولي كتئديب وعقاب. ثانيآ يمنع أي قس أو أسقف من التنقل خارج أو داخل البلاد ألى أزا دعت الدرورة لزلك وبتصريح من مكتب قداسة البابا وبعد أعطاء أسباب مقنعة.(من المفروض أن الاهب يلزم ديرة ولكن دة بيحصل بس للرهبان الغلابة مش للأساقفة ومن العجيب أن الأسقف ألي من المفروض ترك الدنيا وما فيها تلقية عندو كل اجهزت الرفاهية وأللأتصال مع العالم من أنترنت وخلافة, وتكيفات وخلافة وعربيات فخمة وخلافة وتزاكر درجة أولي وأية؟ أيوة وخلافة.

ثالثن يمنع منعآ باتن القعدات الخاصة ألي بتم في البطرخانة والمرقصية بتاعت الأساقفة والقسس ونظام الضيافة والبوديجارداد الي يدخلو ناس ويطلعو ناس (مهى جلسات سمر بقى وضيوف أبونا الخاصين جاين يفرفشو ويتفرجو ).

رابعآ كفاية كدة النهاردة وألي معترض يرد بس بكلام واقعي مش أنت كزاب وكافر والسلام زى اخوانا المسلمين وشكرآ
وأخر حاجة اقولها للناس دي كما في الأنجيل لاأنتم دخلتم ولا جعلتو الأخرين يدخلون
.